Á Smiðjuloftinu eru mörg tækifæri til að upplifa tónlist sem hlustandi og þátttakandi. Tónar á ferð-tónlistarnámskeið eiga heima hjá okkur og halda reglulega tónlistarnámskeið fyrir börn og fullorðna. Travel Tunes Iceland verkefni okkar fjölskyldunnar er stór hluti af starfsemi Smiðjuloftsins og svo erum við óþreytandi við að bjóða upp á skemmtilegar uppákomur tengdar tónlist.

Vorið 2016 byrjuðum við hjónin, ásamt Sylvíu dóttur okkar, að taka á móti hópum innlendra sem erlendra ferðamanna og kynna fyrir þeim úrval af íslenskum þjóðlögum. Við höfum tekið á móti fjölda hópa og undantekningarlaust eru gestir hugfangnir af tónlistinni og sögunum sem tengjast henni. Við tökum glöð á móti hópum á efri hæð Smiðjuloftsins þar sem útsýni er yfir á Snæfellsnesið og notaleg stemmning. Við erum einnig í samstarfi við Byggðasafnið að Görðum og Akranesvita og tökum gjarnan á móti hópum þar. Heimasíða+facebook+myndband